27.11.07 星期二 (晴)

今天是11月27日 , 留在香港的日子只剩下一個月 ;

要來的日子 , 始終都會來 ,  曾經好放心地數著四五個月—–「有排啦 ~~~」, 後來一個月一個月地過去 , 心裡才慢慢懂得珍惜及不捨 , 原來我沒有想像中瀟灑 !

將要離開這裡很久…….這感覺很不實在 , 好不安穩的….你們明白嗎??好似什麼事都說不定的…

妹妹跟我說過 , 一直都以為我今次要走像之前幾次一樣 , 最終都是沒走的 , 但慢慢才發覺 , 原來這次是真的。 我都是…….一直都好似帶點疑惑 , 可能是自己扼自己 , 但就是有點不相信真的去canada讀書這是個事實 , 到我後來取了offer letter , 交了第一個學期學費 , 到現在連visa都做好了 , 機票又訂好 , 萬事俱備…….嘩 , 原來今次是「珍珠都冇咁真」!! 

不過 ,還有一個月!還有時間丫~!!

日期
 
天氣
溫度
相對濕度
gif
11月27日
星期二
大 致 天 晴 及 非 常 乾 燥 。 部 分 地 區 有 煙 霞 。
1620
oC
3070
%
gif
11月28日
星期三
天 晴 及 非 常 乾 燥 。
1418
oC
3555
%
gif
11月29日
星期四
天 晴 及 非 常 乾 燥 。
1318
oC
3555
%
gif
11月30日
星期五
天 晴 乾 燥 。
1318
oC
4060
%
gif
12月 1日
星期六
天 晴 乾 燥 。
1418
oC
4565
%
gif
12月 2日
星期日
天 晴 乾 燥 。
1519
oC
4565
%
gif
12月 3日
星期一
天 晴 乾 燥 。
1519
oC
4565
%

天氣轉冷喇 , 冬天真係到ga喇 , 著多d衫啦~~冬天feel d~
好乾燥呀 , 滋潤多d啦~~~

嘻…….仲有成個星期都好好天wo….yeah~~

17/11~18/11 塔門觀星之旅

星期六早上教完琴 , 就趕去大學站集合 , 呢次係中大天文搞的活動 , 都有四十幾人ga。3點坐船入去 , o係船度我地鋤D ^^ , 之後入到去塔門都快5點lu~~

我地個位勁正ar , o係正山頂 , 向住東面水平線~^^仲有個亭o係度~~不過原來塔門係好多牛屎ga~~莊員們就紮營 , 我都有幫下手ga, 雖然乜都唔識~~~ 今次係我第一次露營呀 , 我覺得好好玩~~之後我同火軍, Edwin周圍行山 , d風景真係好靚~~除左我地之後 , 都有幾多人o係度露營~~差唔多天黑 , 我地就返去lu , 其實係我有d怕天黑唔識路返去 , 返去時 , 佢地叫方向感一向都差既我試下帶頭啦 , 果然真係行錯路 , 之後都唔敢再帶頭喇 , 好冇膽呀 ~

原來 , 係好快就可以返到去。

入黑之後 , 我地就分組煮公仔面喇 ~~ 食食下d雲開始散 ~見到好多星喇 , 面都未食完 , 我地就好心急睇星同set鏡喇~

9點左右 , 我地就訓哂o係地上 , 我地開始好專心望住星空 , 因為已經有人睇星流星喇~~~John就講神話~~個天好靚ar , 見到仙女座 , 仙后座 , 北極星 , 金牛座 , 七姊妹星團….仲有好多~

「嘩~~流星呀~~~」
我 :「下~~o邊度ar ~o係邊ar~~」望黎望去 ~~~ oh~又miss 左lu~

之後又過左一陣 , 突然無啦啦o係我眼前出現左一粒超大粒超光既流星 , 仲有一條長長既尾~~~嘩……全場即刻high哂 , 勁開心興奮呀 , 有人開心到係咁爆粗 , 開心到尖叫 ~~~ 個氣氛真係好開心…..果粒應該係火流星黎ga~~>3<

冇幾耐又一粒飛過……..

最迷人既獵戶座出現 , 仲有雙子座 , 火星 , 獅子座等等…….

之後呀軒煮糖水 , 腐竹雞蛋~~好味~~~不過開始d風愈來愈大 , 愈來愈凍喇……我地開始進入第二裝備 (即係著衫)…同埋 , 有唔少星開始被煙霞遮住左喇….有d人開始入去camp度訓lu~~~~

去完廁所團暖身後 , 我同Johnathan同呀軒&呀so就再訓低喇….

煙霞keep住遮下散下 , 仲有好大風 , 訓住o係地下都幾凍…..我已經出盡法寶喇 , 但我又唔捨得訓wo …… 好幾次 , 當我睇緊星圖時 ,睇緊另一邊既星時 ,  又或者望緊雙筒時 ,  咁o岩都會有流星飛過=.=…miss 哂~

4點幾左右 , d雲出哂黎lu , 真係咩都見唔到~~-,-但仲有兩個幾鍾天光喇wo , 而家訓就起唔到身睇唔切日出喇 , 所以都係決定唔訓~~

咁就過左一晚 , 但我好開心 , 好enjoy。

6點幾應該日出啦 , 點知又因為有煙霞 , 睇唔到喇 , 否則我地就睇到o係東面水平線升上黎既太陽~~結果要到7點幾先見到個太陽 , 不過都好靚~~~又是新的一天喇~~~

早上 , 我地又行多次山 , 行左一個圈~~~之後同軒佢地落去石灘掟石頭~


人地話 , 見到流星要許願 。

我發現 , 根本好難做到 , 因為我見到流星只識得嗌~~而且流星消失得太快喇~~~

同埋 , 我根本唔捨得合埋對眼去許願 , 我眼甘甘咁望都黎唔切啦~~~

流星真係好難見到  , 你唔知佢幾時會出現 , 地點同天氣又未必配合到。

即使好似今次咁 , 我地明明知道呢幾日係獅子會座流星雨高峰期 , 特登去埋呢個一定冇咩光害既塔門睇 , 訓哂o係地度睇 , 望住好大好美既天 , 都仲有miss好多粒流星 , 因為有時你會望左去另一邊既天….睇流星 , 真係好講機會ga~

今次係我第一次親眼睇到流星 , 雖然成晚我睇到既只有3粒 , 但我好滿足喇 。

今次睇星好開心 , 因為我見到一粒超光既流星 , 過左一晚好平靜好relax既長夜 , 聽左成晚好近既海浪聲風聲 , 親眼睇住太陽從西邊落山 , 月亮東邊升起 , 黑夜來臨 , 之後月亮同星座又東邊升起西邊落 , 睇住個天慢慢光 , 睇住粒勁屈機既金星升起 , 到又見到太陽o係東面升起…….一切一切既大自然規律 , 永遠永遠一直循環不息…..

我覺得 , 呢個世界仍然好美好的。

 

 

   

13.11.07 星期二 (晴)

其實呢幾日真係幾好天ga…好希望keep 住好天呀…..><

因為我都好期待星期六個camp ga…..

頭先睇fd個xanga , 原來 , 塔門係一個可能睇到銀河既地方黎ga……

其實我都一直keep 住上天文台個網check 天氣 , 17 ~18日會多雲呀……-,-唉

次次都係咁 , 睇星先黎多雲 ……..頂~

(不過 , 希望在明天丫ma ,  生命滿希望 , 前路由我創)

12.11.07 星期一 (晴)

慧慧生日快樂!

我今日好返好多喇~~~^^

上個星期 , 妹妹一完左個 test period , 我就拖左佢去銅鑼灣行街喇~~~~^3^



bb~~~~ 加油!振作呀!! 無限量支持你 !! 錫哂你錫哂你~~

晴天公仔出動……..至少要一直天晴到星期天~~

d無睡意特強幸福傷風素真係食到我而家好精神wo~~~~~~~~~~^^