唉….今晚既midterm 考得唔好: (
點解要出到份卷咁”了lung”? =_=

呢個星期忙到…我都唔知點形容自己既心情…
只係妹妹每次聽到我長長既歎息, 都會安慰一下。
慶幸地原來最地獄既星期四 (聽日)有個meeting cancel 左…
但聽日仍然有份paper draft 要k.o,
仲有一份assignment, 一個quiz, 一個tutorial…
即管放馬過黎啦!!!!!

今個星期 research assistant d 野我竟然一d都冇做過…
見到另一個colloegue 做左好多咁..我唔知點追..: (

今日係度4年既best friend 返香港, 我竟然係機場度喊左….
其實我知道佢要走好耐, 但一直都冇咩點諗過…

我就係咁, 逃避逃避到突然一刻要面對失去, 就會不知所措…
呢位朋友, 呢一年對我黎講特別重要,
我冇拍拖之後, 佢似乎係我最重視既朋友…
有事冇事都會搵下佢同佢食下飯吹下水….
因為佢係少有真係可以隨傳隨到到朋友= =

唉, 我個心真係好唔捨得佢,
有排都見唔到佢喇….: (
不過唔緊要啦, 我返到HK都可以見到佢既~
只係一時唔捨得姐~~~~
作為朋友, 我都登佢回歸香港發展而開心 🙂

老土D都要祝佢前程似錦!!



之後同妹妹去左English Bay….

原來計埋呢個SEM, 我都讀左115 個credit 喇…
下個sem讀多3個courses, 咁我就124個credit…
讀埋下個sem, 咁我個marketing 同 IB 都搞掂喇!
突然好有衝動下個sem grad左佢算…唔理個honour…
12月就可以返hk…?? wah..好吸引wor……=D

聽日係父親節, 但我諗我唔會同爸爸講「父親節快樂」,
今年既父親節…..講父親節快樂有D唔o岩情況…
呢一段日子, 其實大家心底裏都好沉重….
我同妹妹冇咩野做到, 只好乖乖聽屋企話,
跟隨一D習俗唔好食據說有靈性既牛,
得閒打電話嗲下爸爸媽媽乘機哄下佢地~
其他野, 我乜都幫唔到…: (

呢個星期日日都有朋友grad, 睇住d 朋友grad 原來真係好開心!
心裡又會有d羨慕, 好想同佢地一齊一大班人grad..
可惜到我grad果時….呢班人都唔會再係canada 喇 : (