bruno mars…….

所以話呢,蘇州過後冇艇搭,Bruno Mars 個concert tour 黎香港我係第一日已經知道,個心諗住買但諗住遲D先買⋯⋯

今日睇左bruno mars 新 release 既YouTube,loop 左成朝,結果發現所有ticket 一早已sold out….失望到我差D喊出黎。

我對6/8拍始終都係情有獨鐘….呢個live in Paris 真係勁正!

好早期已經留意佢,係佢未獨立做歌手時已經被佢排又白又齊既牙,夏威夷陽光男子,又識彈琴又識打鼓又識結他,把聲又好soft又個人搞笑,總之好鐘意佢啦!

我好後悔唔一開始就買HK tour 既ticket…:(

Here is Bruno Mars live in Brazil ….1 Hour long! Enjoy!

Advertisements

OK BUN 團年飯

隔了兩年沒有和妹妹一起出席OK BUN 的飯局了,都變了在vancouver的回憶了。

還跟妹妹補祝生日呢!

想知道什麼是OK BUN? 看片。

OK BUN 其實我地一班都係來自香港係SFU讀書時組埋一堆玩玩食食,由於初初去vancouver 時人生路不熟,又未埋D local堆,所以就有我地幾個痴埋一齊玩⋯⋯成立於2008年1月。

己經第6年喇,雖然當中既成員都出出入入過幾次,但我地成班人成功由Vancouver 搬返HK

5月8日, 足足一個月荒廢左學業….係唔係愈hea d 時間會過得更快?
做過d咩? check 返schedule 原來都係睇下movies, 學下車, cooking mama 煮飯game…
之後表哥黎左之後好似忙左, 因為想陪下佢多d…
到佢走左之後就coldplay concert 之後就hawaii trip 喇!!!

Hawaii 我真真真真真真真真真係好鍾意…我要想留耐d唔返黎住,
呢個week 我真係過得好快活, 日日陽光與海灘, 好好玩! 我一定一定會再去!

今日, 我終於見到呀lei 喇哈哈哈, 我想講: 我真的愛你。
雖然佢好pk地咁都要帶埋佢女朋友出黎食飯…哈哈但我會再約你同你傾計!!
真心多謝你o係我呢個時間請我同妹妹食飯..到我有錢時一定請返…!

umm…..前兩日同妹妹傾計….原來先發現自己原來係咁mind ga,
原來我係mind…我係有覺得唔fair因媽媽對我同對妹妹既唔同…..
不過, 我再一之醒覺, 原來一直以黎唔識同媽媽相處果個係我….
我有時真係覺得好吃力, 真係好吃力呢….點解可以次次唔夠幾句就嘈…..

唉, 其實而家真係唔係唔想留係canada, 但係我覺得我今次不得不返香港…..
爸爸同媽媽而家既處境, 我唔可以自私同逃避唔返去架….

一從hawaii 返黎, 我再次比好多唔同既人同事 pull 住…..
點解我成日都有個好似做錯左事既感覺咁? 好似欠左人地咁??

what if 係一首coldplay 比較冇咁出名既歌, 但卻係我最鍾意既一首歌 (之一, of coz!)
聽親我都會心軟同好有feel………

what if i got it wrong…

o岩o岩睇左妹妹xanga, 妹妹呢篇野好似打出哂我既心聲….
但我冇辦法可以有佢咁利害既文筆可以將一d感覺用文字形容出黎…
唯有copy and paste 到這裡的:
_________________________________________________
以下文字是100% credit to 妹妹的xanga @tsimyy

媽媽溫柔的要求我,一定要快樂,她願意扛下所有壓力和悲傷,將快樂留給我和姐姐。
然後,媽媽告訴我爸爸年紀開始大了,曾經兩次對她說,他有點寂寞和孤獨,但我們心裡都明白,這是遺憾。
可能遺憾是不快樂的最大原因,像一個永遠不能填補的缺口,雖然有時候會忘記,可是靜下來的時候,會發現它一直都存在。

我有好努力的希望做到媽媽的要求,可是也有一點吃力,快樂看來簡單,但非常短暫。
我跟自己說過一百次,我已經忘記,我現在很快樂,我已經捱過最傷心的時候,說到自己都覺得這些是事實……
可是,不論是飲酒去party,或是運動出一身汗,我們急著透過健康和不健康的活動尋找開心的感覺,彷彿說明了我們不夠快樂…
清醒難受,所以飲酒麻醉,盡情做想做但任性的事,可是醉清後更覺殘忍,然後趁好天氣進行些戶外活動,飽覽沿途風光美景,
無論當刻是清醒或不清醒,總是覺得快樂好像很容易得到,但同時無辦法留得住。

我忽然覺得不應該勉強製造快樂,製造出來的快樂好像都不會長久,應該欣然接受然後撐過去,沮喪跟快樂都是一剎那的感受,快樂過得快,痛苦也不會很長久,
我們總是被剎那的感覺牽動,將快樂跟沮喪都無限放大,其實都不是什麼大不了的事實。

_______________________________________________________

不過妹妹embed 左john mayer 既一首新歌, 但我都係鍾意呢歌首更加多:)

唔經唔覺, 我hea hea 貢咁過左兩個星期。由7號考完咁到而家, 我都其實冇咩點做過d有意義既事, 但就係唔知點解反而日日都好似過得好快好多野做咁。lei lei 我仲未約到…點解總係約唔到佢架….:( 兩個月都見唔到佢一次, 死肥喱!!!!!

我呢, 覺得最近身邊有好多外來既force pull 住….覺得有d累呀 (其實唔止有d)…..有時真係唔知自己做左d咩搞到d野咁, 更加唔知應該點做。一直諗住唔理唔理, 以為事情總會慢慢重回軌道, 但原來好似冇?? 我只係做返自己想做既事, 我想簡單直接少少, 我想順其自然d let it flow naturally…

呢個世界就係咁多野煩…讀書又煩, 畢業又煩, 有冇拖拍又煩, 返香港又煩, 唔返香港又煩…..不過, 可以就係咁多野煩, 咁個人生先代表有經歷, 咁先賦予到生活既意義…(哈哈, 會唔會吹到遠左少少?)

黎緊呢個星期個hawaii trip 對我好緊要, 我好想去好耐, 係一早決定左無論如何都要去既grad trip! 好想真真正正留返d時間比自己, 所以今次只係同妹妹兩個人去。呢個trip 我係好excited ga, 希望我d fd 都會登我開心同excited 啦! 每一次旅行, 我都覺得係最幸運既機會同最值得經歷, 每一次都係比我個soul 去refresh 下, free 下……

我好清楚自己係一個有幾重視自由既人, 重要程度就算幾累都好, 每晚總係要夜訓既原來其實都係一個, 就係比自己小小獨處機會靜一靜…..因為其他人訓左覺, 同埋人地都會認為我訓左覺…haha 所以冇人可以搵到我!! xp!!

所以, 當我發現自己比好多野pull 住既時候, 有束縛同埋習慣去規限自己既時候, 我會有d upset…=_=, 所以同時, 我好驚煩到人就係因為我更加唔鍾意自己阻擾or 束縛住人地…..所以我真係冇咁既面皮去管人 (屋企人除外), 我真係覺得個個人都有自己既一面, 只有自己先真係最清楚自己同埋有資格去管返自己….

結論係: 凡事唔好demand 太多, 唔好太易養成習慣…希望一切都balanced d….. 唔好改變原來既質地, 更重要既係—-做返自己。

我又唔知自己係度發咩up fung, 不過, 我好累, 估唔到係canada 呢個咁悠閒既地方我都會咁累….令我原本想逃避香港所以有stay 係度既諗法變左相反….呢度對我太多太多uncertainty同埋局限喇….

點解…點解我會咁搖擺不定架? 一畢業就即返香港呢個念頭我一直以黎呢3年都絕對堅定同渴求ga wor, 點解反而臨畢業果時先想轉肽?? ummm…..我諗要返返去一個最老土既道理: 就係好多時, 我地擁有或經歷緊既時候唔會識特別珍惜, 到你realize 一d野即將失去或將會成過去既時候, 先會開始唔捨得甚至執著唔肯放手……..

———–

無啦啦聽左好耐karen mok d 歌, 其中呢首—你給我多少時間, 個mv 澎湃得黎又好gloomy…..:p

第9年: 我們永遠的偶像 — 哥哥

第9年。我既永遠偶像 — 哥哥。
一聽到您把聲, 個心總係”lar住lar住”…..><

——
一向都好心痛D人隨便就睇到個世界咁灰咁黑, 唔珍惜自己生命, 隨便就有”認真”既輕生念頭…..
因為我永遠覺得, 幾唔開心既事, 都會有捱過既一日, 慢慢總會感受到快樂開心,
只要係未來既日子感受到快樂, 只要笑過….過去既日子就不會枉過。
反而, 愛既人死去…呢個痛就好似永遠都唔會捱過去…

痛失親人既痛, 真係人生最可怕既痛…
日子一日一日地過去, 那種痛卻永遠都留在自己心底, 斷斷續續地折磨住..
好多人安慰會話:。「佢會係另一個世界陪住你….」
但我真係從來都唔會再feel到失去左既人陪伴住我既感覺……生命冇左, 就係冇左…

既然自己既唔開心總會有一日捱過去, 但身邊愛自己既人永遠都捱唔過痛失至愛既痛,
點解可以咁自私地了結自己既生命?
除非真係有精神問題, 連自己都控制唔自已思想行為,
了結自己生命, 係我覺得無法原諒同彌補既錯….

即使呢個世界有好多不如意不快既事, 但果D其實真係好渺小既事,
只係自己放到好大好大, 大到Block哂自己對心眼, 完全錯失哂這個世界既美好。

生命可以好脆弱好輕易地被了結, 生存亦唔係必然架!!

「自己其實好渺小, 何況係自己既唔開心?」(呢句係妹妹講既, @tsimyy)
唔好放到自己咁大, 但都唔好低估自己既「生存價值」。

————

重陽快到, 媽媽都返左大陸拜山….
身在加拿大既我同妹妹, 唯有心裹一直記念住….
爺爺, 嫲嫲, 婆婆….我永遠愛您。

一諗起嫲嫲, 個心更加”lar住lar住”……

ps: 我既文筆冇妹妹(@tsimyy) 咁好, 但我係好真心咁打呢篇weblog 架。

今日係成個星期唯一放假既日子, 我緊係要抖下啦….
一起身就上下網, 搵下工, 我唔知點解呢排要成日諗搵工..
你要知道, 搵工改Resume, 寫Cover letter 係d幾煩既事先得ga…
我係網上搵到份social media marketing既工, 即刻兩眼發光!
不過…都係果句, 呢d咁既工唔輪到我…哈哈 (不過我會一試)!

lunch 同平叔食飯, 仲見到佢個仔…原來佢地自己開左間旅行社..
早知一早搵佢book 機票!!
食完飯之後返到屋企抖又一陣, 又要學車喇…
今日係第3堂….我呢, 仍然係好驚…=.=
而家轉右都ok左dd…但今日係驚轉左!!!
我仲搞到個師傅有d燥底…hahaha 因為我成日明明有位都唔敢轉!
=.= 我feel到佢有少少比我激親… sorryyy lor! 咁我真係驚丫ma..

學完車, 我好累…1個鐘頭我係完全intense 咁過…
邊個同我講jar 車好好玩ga? =,=
結果, 我今日冇掂過學校d野…頂..聽日返學開會先算啦…..
所以今日全日都係度搞resume

其實我唔係特別中意joanna wang,
不過我今日聽左好多佢既歌…我覺得佢d mv 好有「生活態度」….


原來佢返唱過vincent…不過我好中意mv d color, 後面個海藍+天藍, 勁靚wor…


「生活態度」1


「生活態度」2

_____________________________________________________________

有時候, 會唔會覺得….
自己而家其實唔應該咁生活?
我係好應該再充實d, 朝氣d, 享受生活d ga!
比我忙多16日….16日姐…
我要好好咁重新找尋我既新目標,新生活,新方向…
冇錯喇….呢個sem 咁煩, 咁迷失, 咁志氣低沈,
就係因為我個人冇左確實既目標同埋方面呀!!!!

但係呢..我比學樣d野真係搞到好煩….點算好呀?